BØNDER ER MATJORDVERSTINGAR

Dette er forside oppslaget på avisa Nationen 15.06.17. Bøndene bygde ned 22% av matjorda som forsvant mellom 2004 og 2015. «Vi kommer aldri til å nå målet om ikke landbruket selv bidrar seier landbruksinisteren». No er det vel ein gong slik at det er bøndene som har dyrka opp all matjorda me har i landet. Og har ein her rekna med kva bøndene har nydyrka i 2004 til 2015? Kanskje er reknestykket omvendt då? No har også regjeringa, stortinget og landbruksinisteren gjort det ulønsamt å dyrke meir matjord. Matjorda går no mange stader ut av produksjon. Beitepussaren er det som er den mest lønsame å bruke på matjorda.

Les også i Nationen 17.06.17 at i klimameldinga til regjeringa så slepte landbrukssektoren ut 4.5 millionar tonn CO2 – ekvivalentar i 2015. Samtidig bandt landbruket 24.3 millionar tonn. Etter dette reknestykket bind norsk landbruk 19.8 millionar tonn CO2 i året. Har så landbruket fått betalt for dette positive bidraget til CO2 binding? Nei, her er ikkje mykje klimakvotepengar å hente. Slikt set ikkje journalistane fokus på, det som er negativt for bøndene sel mykje betre.

Eg les også ein liten notis i Nationen 29.06.17 at EU treng nye inntekter når Storbritannia går ut av EU. Kommisær Gunter Oettinger meiner at inntektene av klimakvotesalget då må gå til EU-budsjettet, ettersom kvotesystemet er felleseuropeisk. Det står også at dette vil kunne ramme Noreg hardt. Noreg ventar å få milliardinntekter i det europeiske kvotesystemet ETS i åra som kjem. Det må no vere på tide å få slutt på denne klimakvotesvindelen. Her sel EU klimakvotar etter same modell som den katolske kirke selde avlatsbrev til truskyldige folk som låg for døden, slik at dei skulle komme i himmelen. No skal ein kjøpe klimakvotar for å redde jordkloden frå å bli oppvarma. Som me ser av dette så skal no pengane av klimakvotesalget gå til å  oppretthalde millionlønene i EU systemet. At folk stilltiande finn seg i å bli svindla på denne måten forundrar meg. Gong etter gong svindlar leiande myndigheiter befolkningen dei er sett til å tene. og i denne saka sviktar også den fjerde statsmakt journalistane fullstendig i å avsløre svindelen.

1.kandidat Alliansen Sogn og Fjordane

Asbjørn Massnes, 5962 Bjordal